25 related routes

Satyr 5.5

Easy climbing up the corner with a finish to the right. Climb the corner to a ledge, careful of loose blocks on the ledge (should be removed when there are fewer people around). Continue up the corner to a horizontal break and follow this rightward to finish easily up some large flakes to the small grove and blocky finish above.
Belay from the large blocks above.

F.f. Robert Askew and Catherine Gallagher, 22/07/2023

Cyclops 5.7

Excellent climbing up the face and arete, jugs most of the way and excellent gear. Start on juggy breaks on the shiny wall and climb up the crack in the arete. Finish easily up the lichen wall above, either direct up the arete or slightly leftward up the groove.

FF 22/07/2023 Robert Askew, Catherine Gallagher and Jillian Even

Tyrkja-Gudda 6a+ 5.10a

Leið númer 10.

Leið sem fylgir kverk og strompi. Liggur á milli Tyrkjaránsins og Ottoman.

FF: Jafet Bjarkar Björnsson, ágúst 2021

Ottoman 6b+ 5.10d

Leið númer 9.

Leið sem liggur upp horn eða hrygg á milli Dalalæðu og Tyrkja-Guddu

5.10d (18m, 10 boltar)

FF: Jafet Bjarkar Björnsson – ágúst 2021

Nornahár 5.8

Leið númer 4.

5.8/9 PG (VS 4c)

Augljós kverk eða stompur alla leið upp. Erfiðasti kaflinn er í síðasti parturinn (blá/grá stærð af vin), vel tryggjanlegt.

F.f. Robert Askew and Catherine Gallagher 15/08/2021

Ólympíufari 6b+ 5.10d

Leið númer 3.

Í sama klett og Grjótkast og Eldibrandur.

12m, 7 boltar.

FF: Holly Spice – ágúst 2021

Guð blessi Ísland 6a+ 5.11a

Leið númer 22 á mynd

Fjölbreytt leið sem inniheldur bæði tæknilegt fésklifur og þakhreyfingar sem ættu að höfða til duglegra plastklifrara.

Byrjar á svipuðum slóðum og Tilberi, inni í smá hvilft. Byrjar að klifra undir áberandi þak og út það. Nokkrar juggara hrefingar leiða mann út á frekar tómann vegg. Veggurinn endar í smá skúta undir næsta þaki. Klifrað er uppúr efra þakinu og er akkerið þar rétt fyrir ofan.

Nafnið vísar í fleyg orð Geirs H. Haarde við upphaf kreppunar 2008.

FF: Dóra S. Ásmundardóttir & Sindri Ingólfsson, ágúst 2020

Sauður í bjarnarfeld 6b 5.10b

Leið númer 16.

Löng og brött leið sem er full af góðum gripum og er léttari en hún lítur út fyrir að vera.

5.10b/c – 25m

Nafnið vísar til margra tilvika þar sem tilkynnt hefur verið um ísbjörn hér á landi en eftir mikla leit hefur komið í ljós að líklega var um kind að ræða.

FF: Robert A. Askew, 2020

Síldarárin 5c 5.8

Leið númer 7 á mynd

Leiðin byrjar lauflétt á góðum gripum og stöllum en fer fljótlega yfir í erfiðan kafla sem er aðeins í fangið. Seinni helmingur leiðarinnar er lóðréttur á góðum gripum og með smá teygjum á milli þeirra.

5.8/9, 8 boltar, 22m.

FF: Bjarnheiður Kristinsdóttir og Jónas G. Sigurðsson, 2019

Þorskastríðið 6a 5.9

Leið númer 19 á mynd

Leiðin fer upp miðjuna á stórum og fallegum vegg hægra megin við Blóðbað. Ofarlega er hreyfing sem hentar vel fyrir hávaxna og því gæti leiðin verið nær 5.10a fyrir stutta.

5.9, 9 boltar.

Í raun voru þrjú Þorskastríð háð við strendur Íslands. Það fyrsta varði frá 1958-1961, annað Þorskastríðið varði 1972-1973 og það þriðja 1975-1976. Í öll skiptin var kveikjan sú að Ísland stækkaði landhelgi sína eða efnahagslögsögu. Fyrst var landhelgin færð úr fjórum sjómílum upp í 12, í annað skiptið var lögsagan aukin í 50 sjómílur og í það þriðja var hún færð upp í 200 sjómílur. Þetta líkaði Bretum ekki því að nú náði lögsaga Íslands yfir svæði sem þeir voru vanir að veiða á. Bretar héldu áfram að veiða á svæðunum sem nú tilheyrðu Íslandi og sendu þeir herskip til að vernda togarana. Varðskipið Ægir beitti íslensku uppfinningunni togvíraklippum og skar á öll togaranet sem veiddu ólöglega innan efnahagslögsögunnar. Eitt manntjón varð í Þorskastríðunum þegar að vélstjóri á Ægi fékk raflost við að laga viðgerðir eftir ásiglingu Breta. Í fjóra mánuði sleit Ísland stjórnmálatengslum við Bretland og hótaði að ganga úr NATO. Eftir að minnstu munaði að meiri mannskaði yrði í maí 1976 þá funduðu fulltrúar beggja landa í Noregi og komust að samkomulagi.

FF: Daniel Ben-Yehoshua – 2019

Baskavígin 6a 5.9

Leið númer 12 á mynd

Leiðin byrjar á léttu klifri upp á syllu. Frá syllunni eru tvær nokkuð stífar hreyfingar til að koma sér inn í kverk. Frá því að maður nær að stíga á hinn vegginn í kverkinni er maður í strompaklifri alveg upp á topp.

ATH: Klifrari klifrar úr augsýn tryggjara rétt eftir miðja leið

Baskneskir hvalveiðimenn upp Hvalstöð á Ströndum og lifiðu í sátt og samlyndi við heimamenn næstu í tvö ár, eða til 1615. Upp komu deilur sem mátti rekja til stuldurs á harðfisk í kjölfar skipbrots. Baskar voru dæmdir útlægir af heimamönnum og 80 mönnum var slátrað í köldu blóði á örfáum dögum. Þetta er síðasta skráða fjöldamorðið á Íslandi.

FF: Jónas G. Sigurðsson & Nóa Sólrún Guðjónsdóttir – 2019

Tyrkjaránið 6c 5.11a

Leið númer 11 á mynd

Leiðin byrjar á augljósum stein sem skagar út úr veggnum. Frá honum er farið upp lóðréttan vegg ca 10m og upp á syllu. Frá syllunni tekur við veggur sem er yfirhangandi um ca 20°-30° alla leið upp á topp.

25m, 10 boltar.

Frumferð á Tyrkjaráninu

Tyrkjaránið vísar til atburðar sem átti sér stað í Vestmannaeyjum, Grindavík og á Austfjörðum. Ránið átti sér stað á fyrrihluta 17. Aldar og var framið af sjóræningjum frá Algeirsborg í Alsír en ekki Tyrkjum eins og áður var haldið. Sjóræningjar fóru um og rændu fólki og drápu á þeim stöðum sem þeir fóru um. Fólkið sem var tekið var selt í ánauð í Algeirsborg.
Þessi leið er við hilðina á leiðinni Baskavígin og ferðast þær upp vegginn í talsverðu návígi. Þetta mynnir okkur á að Íslendingar voru ekki bara saklausir bændur og fórnarlömb. Íslendingar lentu bæði í grimmilegum atburðum og ofbeldi af hálfu aðkomumanna ásamt því að gera slíkt hið sama við saklausa aðkomumenn.

FF: Jónas G. Sigurðsson, 2019

Dalalæða 5c 5.8

Leið númer 8 á mynd.

22m, 9 boltar.

Leiðin fer upp aðeins slabbandi vegg í byrjun og stefnir á syllu. Frá sylunni eru nokkrar yfirhangandi hreyfingar til að komast á næsta vegg og svo eru stór grip þaðan og upp á topp.

Dalalæða er þoka sem að myndast oft á kyrrum kvöldum og nóttum eftir sólríkan dag þegar að raki við yfirborð nær að þéttast. Oft má sjá Dalalæðu leggja upp úr skurðum eða mýrum. Dalalæða er yfirleitt um mittisdjúp og flæðir hún fallega yfir umhverfi sitt. Árið 2008 var haldin kosning um fegursta orðið í íslensku máli. Orðið Dalalæða vann orðið kærleikur með naumindum. Árið 2013 var þessi keppni haldin aftur og var þá stærri og meiri um sig. Í það sinn stóðu orðin ljósmóðir og bergmál uppúr og hafði það fyrra sigurinn.

FF: Catherine Gallager & Robert A. Askew, 2019

Grallarinn í Gúttó 5.10b

HVS 5b (5.10b)

Leið 15

Leiðin fylgir augljósri sprungunni á miðjum bratta veggnum, auðtryggð. Leiðin endar í sama akkeri og Siðaskiptin, en hægt er að klöngrast síðustu metrana upp á topp.

Nei, enga bolta takk!

Sigurður Ýmir Richter, 2020

Grjótkast 6a+ 5.10a

Leið númer 1 á mynd.

Sturr leið með 6 boltum. Byrjar á bröttum hreyfingum en léttist þegar ofar dregur.

Grjót var annað af tveim aðal vopnum sem voru notuð við Flóabardaga, ásamt Eldibröndum (Sjá nánar undir Eldibrandur).

Boltuð af: Friðfinnur Gísli Skúlason og Jón Heiðar Rúnarsson, 2018

Fyrst farin af: Ólafur Páll Jónsson, 2019

Eldibrandur 6c 5.11a

Leið númer 2 á mynd.

Þórður Kakali háði Flóabardaga gegn Kolbeini unga útfrá Trékyllisvík. Frá Þórði fóru tólf skip og yfir 200 manns. Hann sigldi út á Húnaflóa áður en að það gerði logn og fór bardaginn fram þar. Þórður hafði meðferðis heilan helling af grjóti sem var látið rigna yfir skip Kolbeins unga en einnig var logandi spýtum og lurkum kastað um borð, svokölluðum eldibröndum.

Boltuð af: Friðfinnur Gísli Skúlason og Jón Heiðar Rúnarsson, 2018
Frumfarin af Sindra Ingólfssyni 2020

Blómin á þakinu 6a 5.9

Leið númer 4. á mynd

Kveikjan af þessu nafni kemur af stóru barði sem skagar yfir leiðina, á því eru alskonar blóm og plöntur.

Þessi leið vísar á tvennan hátt í sögu. Annars vegar er leiðin að vísa til húsakosta sem að Íslendingar hafa búið í öldum saman, torfbæina. Á þeim vex ýmislegt á þökunum, oftast gras en oft blóm eða aðrar plöntur. Oft var gripið til þess að setja kindur upp á þök torfbæja ef að sprettan í þakinu var orðin mikil. Hin tilvísunin í sögu er af öðrum toga, en hún vísar í barnabókina Blómin á þakinu sem kom fyrst út árið 1985 og er eftir Ingibjörgu Sigurðardóttir. Þessi tilvísun ætti betur við í Bókmennta og lista sectornum en sýnir á sama tíma hvað þema hvers sectors er teygjanlegt.

FF: Bryndís Bjarnadóttir og Magnús Arturo Batista, 2017

Týnda síldin 6b 5.10b

Leið númer 5. á mynd.

Á Íslandi hafa nokkrum sinnum gengið yfir síldarævintýri. Á Ströndum var talað um síldarævintýri á árunum 1917-1919. Seinna síldarævintýrið stóð yfir frá 1938-1954. Í Djúpuvík reis stæðsta síldarvinnsla landsins og bærinn taldi 500 manns þegar hæðst stóð. Að lokum færði síldin sig og hætti að koma inn á miðin og þá var lítið hægt að gera við síldarvinnsluna á Djúpavík.

Leiðin speglar þetta frábærlega með litlu gripi nálægt toppi leiðarinnar. Með góðu ímyndunarafli lýtur það út eins og lítil síld og erfitt er að sjá gripið. Þetta er hins vegar lykiltak og án síldarinnar geriru lítið líkt og síldarvinnslan í Djúpuvík.

5.10b/c

FF: Bryndís Bjarnadóttir og Magnús Arturo Batista, 2017

Landnám 6b 5.10c

Leið númer 13 á mynd.

Leiðin fer upp á syllu á miðjum veggnum, síðustu hreyingarnar upp á sylluna eru eitthvað tómar svo að það er línubútur sem að má nota til að aðstoða sig til að komast upp á sylluna.

Frá syllunni fer Landnám beint upp, aðeins til vinstri. Leiðin er tæpir 30m með fantagóðu útsýni.

Einn mikilvægasti hlekkur í Íslandssögunni er landnám Íslands. Leiðin er sú fyrsta sem var boltuð á Sögu sectornum og ein af allra fyrstu leiðum svæðisins.

FF: Stefán Steinar Smárason, í kringum 2000.

Siðaskiptin 6b+ 5.10d

Leið númer 14 á mynd.

Leiðin hefst á sömu byrjun og Landnám (#9, hálfa leið upp vegginn á áberandi syllu. Línubútur var skilinn eftir til að komast upp á grassylluna, en lítið mál er að klöngrast upp á sylluna án hans.

Frá syllunni klofna leiðirnar í tvennt. Landnám fer beint upp, aðeins til vinstri en Siðaskiptin halla til hægri.

5.10d, léttari fyrir stóra.

Boltuð af: Stefán Steinar Smárason, í kringum 2000.

Blóðbað 6a+ 5.10a

Leið númer 18 á mynd.

Háklassa leið sem allir ættu að prófa. Leiðin ferðast upp mest áberandi vegginn á sectornum tæpa 30m. Aðeins þarf að þræða á milli bstu gripana í byrjun en eftir 3. bolta ferðast línan nokkuð beint upp.

Leiðin var boltuð á tveimur dögum í ágúst 2016. Sex manna teymi var í þrjá daga að skoða þetta lítt þekkta klifursvæði. Þegar boltun var lokið þurfti annar leiðasmiðana að rjúka af stað í bæinn ásamt einum úr teyminu og skildu þau við hin fjögur sem hélt áfram að klifra í firðinum og prófa nýju leiðina. Þegar komið var í Reykjavík blasti við frétt á fréttamiðlum:

http://www.mbl.is/frettir/innlent/2016/08/03/hlaut_opid_fotbrot_vid_klettaklifur/

Mjög ofarlega í leiðinni, þar sem erfiðustu hreyfingarnar eru, dettur klifrarinn alveg við tvist sem hún var ekki búin að ná að klippa í. Næsti bolti er það langt fyrir neðan að hún dettur  og lendir á mjórri syllu og ökklabrotnar. Blóð spýtist út um allt, yfir alla leiðina, á línuna, tvistana og hressilega dropar á tryggjarann. Klifrarinn og teymið með henni höndlaði aðstæður eins vel og á er komist, stöðvuðu blæðingu, hringdu á hjálp, fengu börur og náðu að slaka henni niður brekkuna og í sjúkrabíl. Sjúkrabíllinn kom frá Hólmavík og skutlaði henni í sjúkraflug frá flugvellinum á Gjögri (þar sem er príðis boulder líka).

Af þessum atburðum dregur leiðin nafn sitt.

Bolta hefur verið bætt í kaflan þar sem að slysið átti sér stað og ætti leiðin að vera eins örugg og a verður kosið.

FF: Jónas G. Sigurðsson og Magnús Arturo Batista, ágúst 2016

Draugakálfurinn Slorsi 5c 5.8

Leið númer 20 á mynd.

Leiðin ferðast um vegg og hliðrar hægt og rólega til hægri undir stórum þökum. Í lokin þarf að hliðra aðeins til vinstri til að komast í akkerið.

Kálfurinn Slorsi átti heima á bæ í Norðurfirði áður en að hann dó. Hann gekk aftur og hrellti fólk á bænum þannig að kalla þurfti til prest til að særa Slorsa í burtu.

FF: Bryndís Bjarnadóttir og Magnús Arturo Batista, 2018

Tilberi 6a 5.9

Leið númer 23 á mynd, er inni í breiðum stromp sem er áberandi þegar maður stendur undir veggnum. 30m

Tilberi er galdravera sem yfirleitt er sköpuð af norn. Til að byrja með þarf að grafa upp mannsrif úr kirkjugarði og vefja það í gráan ullarflóka. Rifið þarf að bera við brjóst og ganga til kirkju. Við altari kirkjunar á í þrígang að spýta messuvíni í barminn og á rifið. Rifið á þá að lifna við og verða hinn svo kallaði tilberi. Aðal notagildi tilbera var að senda þá á næstu bæi til að stela mjólk frá kú og koma með aftur til tilberamóðurinnar. Að launum fyrir mjólkina þarf tilberinn að fá að sjúga blóð innanlæris á tilberamóðurinni.

Ef sigið er innan í strompnum nuddast línan á nokkrum stöðum við svolítið hvassar brúnir þannig að betra er að síga utan við strompinn og teygja sig inn í hann eftir tvistunum til þess að hreinsa leiðina. Klifrið varlega fyrstu metrana í leiðinni því bergið þar gæti verið örlítið laust.

FF: Michael Walker, 2017

Nábrækur 5c 5.8

Leið númer 24 á mynd

Nábrækur eru galdraflíkur sem að reynt var að búa til á öldum áður. Til að byrja með þurfti að gera samning við mann, áður en að hann deyr. Eftir andlát þarf að grafa hann upp úr kirkugarði og fletta af honum skinnbuxunum, þ.e. allt skinn frá ofanverðu mitti og niðurúr. Mikilvægt er að ekki komi gat á skinnið við þessa aðgerð, því að þá munu buxurnar ekki virka. Til að virkja buxurnar að þessu loknu þarf að setja pening í punginn á buxunum. Mikilvægt er að stela peningnum frá fátækri ekkju á einni af þremur stórhátíðum ársins. Því næst er farið í buxurnar og eiga þær að gróa við mann, jafn óðum og farið er í þær. Erfitt er að fara úr þeim en það er hægt ef að annar aðili samþykkir að fara í þær. Sá aðili verður að fara í hægri skálmina jafnóðum og þú ferð úr þeim.

FF: Erla Guðný Helgadóttir og Jónas G. Sigurðsson, 2017

Galdrafár 5a 5.6

Leið númer 25 á mynd

Nafnið vísar til galdraaldarinnar sem ríkti á ströndum og talað var um að á ströndum ríkti galdrafár. Á ströndum var fólk bæði hengt og brennt til að sporna við útbreiðslu galdra.

FF: Jónas G. Sigurðsson, 2017

Leave a Reply

Skip to toolbar