Atómstöðin 5.12b

5.12b (E5 6c) ?

34 m 

Rauð/hvít lína (gul lína er Poseidon)

Þrjátíuogfjórir auðtryggjanlegir metrar sem bjóða upp á flesta klifurstíla sem hugurinn girnist. Hentar eflaust vel fyrir þau sem staðið hafa sína plikt í úthaldsæfingum yfir veturinn.

Ath. taka þarf gráðunni með miklum fyrirvara, þar sem EK er fingrasprunga og veltur mjög á fingrasverleika. Þessi gráða er því sett á leiðina með það í huga að hún var klifruð af tækniheftum pylsufingrahlunki. Öllum heiðarlegum gráðutillögum er því að sjálfsögðu tekið fagnandi.

Leiðin byrjar á mjórri sprungu (sem þó tekur við góðum tryggingum) á neðsta slabbinu og fer þaðan upp bratta augljósa sprunguna í yfirhangandi kverk á miðjum veggnum. Eftir hana, í stað þess að klifra upp á stóru grassylluna er hliðrað 2 m til hægri í næstu sprungu og henni fylgt upp á topp. 

Á bungu vinstra megin fyrir ofan brúnina yfir Poseidon er gamalt vinnuakkeri úr þeirri leið, og er mjög hentugt að nota það sem toppakkeri í Atómstöðinni, en þá er hægt að strengja línuna ofan í kverk sem leiðir línuna beint yfir toppinn á leiðinni. 

Og að sjálfsögðu, að vanda, enga bolta takk.

2021, Sigurður Ý. Richter

Crag	Hnappavellir
Sector	Salthöfði
Type	trad
First ascent
Markings