8 m
Fyrsta skráða klifurleiðin í Stuðlagili. Leiðin er yst á augljósa stefninu Klausturselsmegin, en hún fylgir brotnu sprungunni hægra megin við stór sprunguna. Leiðin er líklega ekki lýsandi fyrir svæðið, en almennt virðast sprungur á svæðinu vera töluvert stífari.
Sigurður Ý. Richter & Jón Hákon Richter
| Crag | Stuðlagil |
| Sector | Klaustursels megin |
| Type | trad |
Líkt og nafnið gefur til kynna, býður Stuðlagil upp á nær eingöngu klifur á basalt stuðlum. Ætla mætti að gilið hafi nýlega birst eins og skrattinn úr sauðaleggnum ef marka má nýjustu trendin á instagram, en lítið hafði borið á þessu gili þar til um miðjan annan áratug tuttugustuogfyrstu aldar. Heimamenn á Efra Jökuldal hafa hins vegar þekkt til gilsins mest alla tíð, en fyrir tíð Hálslóns hafði Jökla hins vegar mórauð fyllt gilið nær barma á milli og því toppar stuðlanna aðeins gægst í mýflugumynd upp úr beljandi jökulánni. Þegar Jökulsá á Brú var svo virkjuð við Hafrahvamma var henni veitt yfir í Lagarfljót, en við það breyttist þetta forna jökulfljót í lítið annað en himinbláa bergvatnsá. Tæmdust um leið gilin sem áin ólgaði áður niður eftir endilöngum Jökuldalnum, þar með talið Stuðlagil. Gríðarlega formfagrir stuðlar og stuðlarósir príða gilið og lygn áin sem áður klauf sveitir jafn vel og snarbrattir fjallgarðar býður nú einfaldlega upp á róandi nið og kaldan sundsprett fyrir reynda sundkappa. Stuðlarnir eru yfirleitt um 1-2 metrar í þvermál, um það bil 8-15 metrar á hæð og almennt er bergið mjög heilllegt og lítið um lausagrjót. Ólíkt Gerðubergi eru hins vegar sprungur almennt ekki mjög víðar, oft á köflum einungis þunnir saumar þó inn á milli leynist víðari sprungur sem bjóða upp á einhver sprungutök. Hér er hins vegar óvenjuleg áskorun fyrir þá sem hér vilja klifra, en þar sem neðri helmingur stuðlanna hafa í háa herrans tíð staðið undir ólgandi jökulá eru þeir orðnir vel slípaðir og viðnám álíka mikið og á vel bónaðri keilubraut. Ekki nóg með það, heldur í sumum tilfellum hefur Jöklu einnig tekist að fylla einstöku sprungu með jökulaur sem þar hefur svo harðnað, en þar með mætti halda að sumar sprungur hefðu verið kíttaðar saman. Stuðlarnir virðast vera fleiri og hærri Grundarmegin, en hins vegar er aðgengi að þeim erfiðara og oft ekki augljóst hvernig best er að toppa úr leiðunum.
Stuðlagil hefur upp á klifur að bjóða í gríðarlega fallegu umhverfi, en þökk sé Jöklu er klifrið að mörgu leiti frábrugðið öðru stuðlaklifri á landinu. Hér er því lítið í boði af auðveldu klifri, en á hinn bóginn eru eflaust miklir möguleikar í boði fyrir dótaklifur í efri hluta klifurgráðuskalans. Tveir afkomendur Klausturselsmanna áttu leið þar hjá sumarið 2020 og tóku út svæðið, en vegna þessa óvenju stífa klifurs sem kom þeim í opna skjöldu, létu þeir sér nægja að klifra stutta leið í léttari endanum, Klausturselsmegin. Hér eru hins vegar ótal möguleikar í boði af stífum klifurleiðum fyrir íslenskar dótaklifurhetjur framtíðarinnar.
Eins og gefur að skilja leyfa landeigendur ekki boltun (eða aðrar varanlegar tryggingar) með neinu móti á svæðinu, enda eru það ósnortnir hamrar gilsins sem laða að tugþúsundir ferðamanna ár hvert og klifrarar ekki einir í heiminum. Leyfilegt er að klifra Klaustursels megin (þó ekki sé verra að klifra þar í samráði við heimamenn), en hins vegar hefur klifur ekki verið rætt sérstakleg við Grundarmenn, svo nauðsynlegt er að fá leyfi frá þeim fyrst ef klifra á í stuðlunum þeim megin.
Gamalt project frá ca. 2010-2012. Það væri hægt að fara vinstra megin við boltalínuna en þá er vel hægt að stíga í kverkina. Ef leiðin er klifruð þannig er hún ekki nema ca. 5.10. Mér fannst skrítið að klifra þetta þannig og reyndi því að komast út á hornið. Mér fannst líklegt að leiðin hafði verið boltuð með það í huga. Ég endaði á að finna flottar hreyfingar úr á hornið við annan bolta. Geggjaður átta hreyfinga probbi: puttaholur, tákrókur, hælkrókur og dass af köntum! Set inn beta-myndband hér á síðuna. Strákarnir fá þakkir fyrir að finna þessa geggjuðu línu!
| Crag | Hnappavellir |
| Sector | Sandar |
| Type | sport |
Leið 2a.
Leið upp sama slabb og leiðin “Þar sem grámosinn glóir”. Leiðin er nokkuð snúin í fyrri hluta með litlum fótfestum eða smurningum. Léttist eftir því sem ofar dregur og endar við skemtilega holu eða gat í gegnum klettinn.
FF: Benjamin Mokry, Leó Benjaminsson og Heimir Steinn Svansson, júlí 2020
| Crag | Hnappavellir |
| Sector | Þorgeirsrétt-austur |
| Type | sport |
E1 5b (5.10b/c)
Leið 8.1
20m
Stuðullinn milli 8 og 9 klifraður utanverður á ágætis tökum og jafnvægishreyfingum. Fáar en góðar tryggingar í efri hluta (EK).
Útilokun (elimination): Ekki stíga út í næstu stuðla í kring eða taka í sprungurnar sinn hvor megin (“Sveittir fingur” og “Skráman”).
FF: Sigurður Ýmir Richter, 2020
| Crag | Stardalur |
| Sector | Miðvesturhamrar |
| Type | trad |
HS 4c (5.8)
Leið 5
Leiðin fylgir auðtryggjanlegri sprungu framan á stefninu vinstra megin við stóra þakið. Lítið þak klifrað á góðum tökum og sprungunni fylgt upp á brún eftir það.
Nei, enga bolta takk.
FF Sigurður Ýmir Richter & Magnús Ólafur Magnússon, 2020
| Crag | Norðurfjörður |
| Sector | Tækni og vísinda svæði |
| Type | trad |
Byrja sitjandi
Skemmtilegur probbi!
byrjar sitjand ofan á grjótinu fyrir neðan boulderinn, passa lendinguna ef þú dettur í byrjun.
| Crag | Ásvellir |
| Sector | Banana boulderinn |
| Type | boulder |
Klifrið byrjar með skemmtilegum ævintýrakafla sem endar á góðri hvíld undir bungunni. Krúxið er að koma sér yfir fyrri bunguna í leiðinni. Síðan er önnur hvíld undir seinni bungunni. Þar tekur við úthaldskafli sem endar rétt fyrir neðan akkeri.
Leiðin er staðsett vinstra megin við Burstabær.
Boltuð af Eyþóri.
| Crag | Hnappavellir |
| Sector | Salthöfði |
| Type | sport |
Gamalt project sem Árni Gunnar byrjaði að bolta. Byrjar á skemmtilegum boulderprobba sem er í senn krúxið í leiðinni. Síðan er klifrað yfir lítið yfirhang og eftir því er seinna krúxið sem er þó töluvert léttara.
Óstaðfest gráða.
| Crag | Hnappavellir |
| Sector | Vatnsból |
| Type | sport |
Leið númer 8 á mynd
Fyrsta spönnin er 20m, 5.8 og Seinni spönnin er 15m, 5.7.
Leiðin er með akkeri í miðjunni en ekki efst, gert er ráð fyrir að toppað sé upp úr leiðinni og gengið niður.
FF: Ólafur Páll Jónsson – 2020
| Crag | Norðurfjörður |
| Sector | Tækni og vísinda svæði |
| Type | sport |
Leið númer 16.
Löng og brött leið sem er full af góðum gripum og er léttari en hún lítur út fyrir að vera.
5.10b/c – 25m
Nafnið vísar til margra tilvika þar sem tilkynnt hefur verið um ísbjörn hér á landi en eftir mikla leit hefur komið í ljós að líklega var um kind að ræða.
FF: Robert A. Askew, 2020
| Crag | Norðurfjörður |
| Sector | Sögu svæði |
| Type | sport |
Leið númer 7 á mynd
Leið upp áberandi heilan vegg rétt hægra megin við risa þakið. Það þarf aðeins að brölta upp grasskorning til að byrja á klifrinu.
Einum stein var hent út leiðinni sem að lenti akkúrat ofan í skorningnum og bjó til góðan stall til að klæða sig í skó.
23m, 9 boltar
FF: Dóra S. Ásmundardóttir, Jónas G. Sigurðsson & Sindri Ingólfsson – 2020
| Crag | Norðurfjörður |
| Sector | Tækni og vísinda svæði |
| Type | sport |
Leið númer 6 á mynd
Fyrsta 5.12 leiðin í Norðurfirði. Fer upp flottan og nokkuð sléttan vegg inni í sama skorning og Akademía er í, rétt hægra megin við risa þakið.
FF: Emil B. Sigurjónsson, Stefán Ö. Stefánsson (& Jónas G. Sigurðsson) – 2020
| Crag | Norðurfjörður |
| Sector | Tækni og vísinda svæði |
| Type | sport |
Leið númer 4 á mynd
Leiðin byrjar á þægilegu slabbi sem endar á fínum stalli áður en haldið er uppbrattari vegg í lokin.
23m, 9 boltar
FF: Katarína E. Sigurjónsdóttir, Sigríður Þ. Flygenring & Jónas G. Sigurðsson – 2020
| Crag | Norðurfjörður |
| Sector | Tækni og vísinda svæði |
| Type | sport |
E3 5c (5.11a)
Gula línan (#3)
Tæpir 40m, 50% slabb, 50% í fangið
Langar hreyfingar á tröllagripum í viðvarandi slútti og tryggingarnar allar akkúrat þar sem maður vill hafa þær. Draumur plast-dótaklifrarans.
Leiðin byrjar á tvem samsíða sprungum og fer þaðan beint upp slabbið. Þegar undir bratta vegginn er komið, er stuttum, brotnum sprungum fylgt upp um hálfan vegginn, en rétt áður en slær af hallanum í grónu grófinni er stefnan tekin lóðbeint til vinstri á enn betri sprungu (veggurinn þveraður við stóru holuna). Þeirri sprungu er fylgt upp á topp í gegnum tvö þök og endar á hvalreki upp yfir brúnina.
Nei, enga bolta takk!
Sigurður Ýmir Richter, 2020
| Crag | Norðurfjörður |
| Sector | Íþrótta og leikja svæði |
| Type | trad |
Leið 2a á mynd, afbrigði af Tröll (leið 2 á mynd).
Leiðin byrjar í undirgripi undir litla þakinu og er farin á köntum hægra megin við boltalínu á fésinu ásamt því að nota juggarann í miðjunni og ísskápatak til vinstri undir fyrsta bolta.
FF. Hildur Björk Adolfsdóttir
| Crag | Háibjalli |
| Sector | Klettar |
| Type | sport |
Boltuð af Finna. Vonir voru bundnar við að þetta yrði fyrsta 5.13 leið svæðisins en svo fannst betra beta. Samt sem áður flott viðbót við tólfur svæðisins.
| Crag | Munkaþverá |
| Type | sport |
Byrja Sitjandi í augljósum Juggara. skemtileg leið með smá sketchy top-out.
FF: Bjarki Guðjónsson
2020
| Crag | Ásvellir |
| Type | boulder |
Byrja sitjandi í tveggja putta holu og undir gripi.
Power full hreyfingar í yfirhangi.
Ekki skemtilegt undirlag þannig gott að vera með nokkrar dýnur.
| Crag | Ásvellir |
| Type | boulder |
Fylgir áberandi sprungu upp í gegnum þak.
| Crag | Lyklafell |
| Sector | Hellirinn |
| Stone | 5 |
| Type | boulder |