Það má segja að Stardalur sé hjarta dótaklifurs á Íslandi. Klifrað hefur verið í Stardalshnjúk frá árinu 1978 og var það stærsta og vinsælasta klifursvæði landsins þar til Hnappavellir fundust upp úr 1990. Þar má t.d. finna erfiðustu dótaklifurleið landsins, Sónötu.
Í Stardal er eingöngu klifur, sem tryggt er á hefðbundinn hátt, þ.e. með dóti: hnetum, vinum og hexum. Spungurnar eru allt frá því að vera ókleifir hárfínir saumar upp í 20cm gímöld. Helstu sprungurnar sem hafa verið klifraðar eru fingra- og handasprungur en einnig nokkrar í víðari kantinum.
Þó nokkuð er einnig um viðnámsleiðir, sem liggja utan á stuðlum í stað sprungna milli stuðla. Er þær leiðir yfirleitt tryggðar í sprungur öðru hvoru megin við stuðulinn. Sumar þessara leiða eru tortryggðar.
Nánari upplýsingar er hægt að nálgast í leiðarvísinum Stardalur eftir Sigurð Tómas Þórisson.
Í Sauratindum eru fjórar klifraðar leiðir og eru tvær af þeim boltaðar á meðan hinar eru klifraðar í dóti. Boltuðu leiðirnar eru tveggja spanna og um 60m langar. Mælum við með því að þeir sem heimsækja þetta svæði klifri upp á klettana og skrifi afrek sín í gestabók. Gestabókin er í vörðu rétt fyrir ofan klettana.
Upprunalega voru það Ísfirðingar sem fóru fyrst að klifra á þessu svæði. Árið 1995 opnuðu drengirnir Eiríkur Gíslason, Hörður Harðarson , Ólafur Th Árnason og Ragnar Þrastarson fyrstu leiðina. Árið 1997 boltuðu Árni Gunnar, Gregory , Jökull bergmann og Rúnar Óli tvær leiðir, nefnist sú austari Prima Noche (5.9). Dagur Halldórs og Stefán Steinar voru skammt undan þetta sumar og opnuðu seinni dótaleiðina , City Slickers (5.7/5.8).
Þetta svæði bíður upp á mikla möguleika og væri gaman að sjá fleiri gera sér ferð þangað uppeftir og setja upp nýjar leiðir.
Viljum við minna sérstaklega á að hjálmar eru nauðsynlegir á þessu svæði og ef fólk ætlar þangað að vetri til ber að kanna snjóflóðahættu!
Prima Noche
1. Fyrsta – 5.8/9 – Trad
2. Prima Noche – 5.9 – Sport
3. Önnur – 5.8/9 – Sport
4. City Slackers – 5.7/5.8 – Trad
PDF úrgáfu af leiðarvísinum má finna hér undir Aðrir leiðarvísar -> Grjótglíma, sport og dótaklifur.
Norðurfjörður sá sínar fyrstu leiðir upp úr aldarmótum, þegar Stefán Steinar Smárason boltaði fimm leiðir í firðinum.
Ekki voru margir sem lögðu leið sína út í Norðurfjörð og datt svæðið í gleymsku þar til sumarið 2016 þegar að Magnús Arturo Batista og Bryndís Bjarnardóttir gengu upp að klettunum og sáu að þarna voru rosalegir möguleikar fyrir sportklifur.
Seinna þetta sama sumar sigu Magnús og Jónas G. Sigurðsson niður línu sem að eftir mikla hreinsun varð að leiðinni Blóðbað.
Styrkir frá GG sport, Klifurhúsinu, Boltasjóð og Ísalp settu svo af stað verkefnið að koma upp sportklifri í Norðurfirði.
2021 fékk vekefnið styrk frá sjóðnum Áfram Árneshreppur upp á 400.000 sem mun ganga úr skugga um að verkefnið nái að halda áfram næstu árin.
Eins og stendur eru leiðirnar á svæðinu ríflega 42 talsins og mikið meira á leiðinni.
Svæðið skiptist niður í sex undirsvæði sem að hvert um sig hefur nafnaþema sem samsvarar til spurningaflokks í spurningaspilinu geysivinsæla, Trivial Pursuit.
Sögu svæði
Stæðsti sectorinn á Ströndum, þéttnin á leiðum er að verða þokkaleg en samt nóg af línum eftir.
Þessi sector er beint fyrir ofan bæinn Steinstún. Hér eru tvær leiðir frá Stefáni sem voru boltaðar um aldarmótin. Þær eru í áberandi gili, með möguleika á mun fleiri leiðum.
Leirvogsgil er norðaustan við Mosfellsbæ og tekur það innan við 10 mínútur að keyra þangað frá bænum. Þetta er lágt klettabelti sem sem liggur fyrir ofan Leirvogsá.
Það var byrjað að klifra á svæðinu rétt fyrir 1990 í hæsta hluta klettabeltisins. Þar er meðal annars fyrsta 5.12 leið landsins, Undir Esju sem Björn Baldursson klifraði 1990. Núna er búið að finna mikið af grjótglímuþrautum af öllum stærðum og gerðum í klettabeltinu.
Gilið
Jafet í Dampur
Jósef í sömu leið
Góð leið!
Sportklifur
Í Leirvogsgili eru a.m.k. 6 boltaðar sportklifurleiðir. Þær eru allar mjög stuttar, 7-9m, og tæknilega stífar.
Í Gýgjarsprotshömrum eru tvær 100 metra háar boltaðar fjölspannaleiðir. Klettarnir eru mjög flottir og leiðirnar góðar. Möguleikar fyrir fleiri leiðir á svæðinu.
Gerðuberg er klettar úr stuðlabergi og er þarna skemmtilegt sprunguklifur. Leiðirnar eru oft í erfiðari kanntinum og eru um 7-14 metra háar. Í Gerðubergi er klifrað með dóti enda bannað að bolta klettana.
Í Búahömrum má finna allarg gerðir af klifri. Einnar eða margra spanna sport- eða dótaklifur, grjótglíma, ís-, mix- og alpaklifur.
Fyrir nánari upplýsingar um allt svæðið er hægt að lesa leiðarvísinn hér og fyrir frekari upplýsingar um vetrarleiðir á svæðinu má skoða klifursvæðið Esju á isalp.is
Það eru u.þ.b. 10 leiðir á svæðinu og flestar þeirra eru slabbandi eða lóðréttar. Klettarnir eru frá 2 til 6m og er erfiðleiki leiðanna mjög margbreytilegur. Svæðið er í hlíð og er lendingin þess vegna oft í brekku. Leiðirnar hafa verið nefndar eftir Norðurhlið Eiger á einhvern hátt.(Upplýsingar frá Klifurhúsið.is)
Spurning hvort einhver eigi þessar leiðir skráðar hjá sér og sé til í að deila gleðinni með okkur?
Klifrað hefur verið á Skinnhúfuklettum í Vatnsdal síðan 1989. Klifrarar fóru þangað fyrst til að klifra í stórum stuðlabergshamar sem sést vel frá veginum en kom þá í ljós að hamarinn var laus í sér og óhæfur til klifurs. Klifrað var á Skinnhúfuklettum í staðin og fengu klettarnir þá nafnið Sárabótin.
Bergið í Skinnhúfuklettum getur verið svolítið hvasst og hrjúft. Klifrið er oft svolítið sértakt, oft mikið jafnvægis og fingraklifur. Ekki mjög byrjendavænt klifur.
Í dalnum hafa fundist margar fornleifar og núna í sumar komu hauskúpur rúllandi á móti bónda sem var að grafa í landinu sínu. Voru það fornleifar frá því um 100 árum eftir að fólk settist að hér á Íslandi.
Í Pöstunum eru 13 boltaðar leiðir og 2 skráðar dótaleiðir, 10-25 metra háar. Klettarnir, sem eru gamlir sjávarhamrar, eru fallega mótaðir og klifrið þar er mjög skemmtilegt. Lengst af voru aðeins þrjár boltaðar leiðir á svæðinu (Perestrojka, Geirvartan og Langi seli) og aragrúi af dótaleiðum, en svæðið hefur svæðið verið tekið í gegn, leiðirnar endurboltaðar og settar upp 10 nýjar sportleiðir.
Klifursvæðið er á landareign bóndans á Hvammi og hann hefur gefið klifrurum leyfi til að klifra þarna með því skilyrði að umgengni sé góð.
Örlítið lengra (6,7km) en Pöstin, rétt vestan við Steina er lítill drangur sunnan við veginn. Drangurinn heitir Arnarhóll eða Össudrangur eftir því hvaða kort er skoðað. Hér hafa verið klifraðar þrjár leiðir.
Munkaþverá er staðsett um 15 km. sunnan við Akureyri og er klifursvæðið ofan í gili fyrir neðan brúna. Í Munkaþverá er klifrað í sportklifri og dótaklifri og eru klettarnir frá 10 – 15 metra háir. Til er leiðarvísir af svæðinu sem er hægt að skoða með því að smella á linkinn hér að neðan.
Klifurleiðirnar í Munkanum eru af ýmsum gerðum og gráðum, en flestar einkennast þær af tæknilegu klifri í lóðréttum veggjum á köntum og í grunnum sprungum. Nokkrar leiðir fylgja alfarið sprungukerfum (Dóni, Góðir vinir, Hornið) og eru þær tryggðar á hefðbundinn hátt (dótaklifur) og stendur ekki til að bolta þær leiðir.
Nýji sector
Nýi sector eru nýjar leiðir lengst til vinstri í Munkaþverárgilinu eða fyrstu leiðirnar sem komið er að ef gengið er niður ofan í gilið. Hér voru áður leiðirnar Bókin, Talía og Létta leiðin. Fyrir nokkrum árum hrundi byrjunin úr þessum leiðum í vorleysingum. Nýja leiðin Ljósbrot fylgir Léttu leiðinni í seinni hluta en fer eftir splunku nýjum fyrri hluta.
Mynd vantar af þessari stöku leið hinum megin við ána. Leiðin er á sumum stöðum skráð 5.12a og það er hægt að klifra útgáfu af leiðinni sem er í kringum þann erfiðleika.
Grjótglíman við Munnkaþverá saman stendur af einum stökum stein sem er uppi við verin, aðeins frá gilinu. Hér hafa verið klifraðar að minnsta kosti 7 leiðir. Þær eru frekar fá farnar vegna þess hve vinsælt er að fara frekar í sportklifrið ofan í gilinu.
Helgina 9. og 10. október fórum við Kristó, Örvar, Jafet og Ásrún til Patreksfjarðar að halda smá klifurnámskeið. Björgunarsveitin Blakkur þar í bæ er búin að byggja mjög fínan klifurvegg, um fimm metra háan. Við byrjuðum á því að skrúfa allar festur sem voru þá á veggnum niður og skrúfa upp um 15 nýjar þrautir og gráða þær alveg eins og í Klifurhúsinu. Svo komu ungmenni úr björgunarsveitunum á Ísafirði og Patreksfirði og reyndu við þrautirnar. Við fórum einnig yfir grunnatriði í línuklifri. Við vorum mjög ánægð með hvernig námskeiðið gekk og mikill áhugi var fyrir þessu öllu saman. Krakkarnir stóðu sig vel þrátt fyrir að þau hafi flest öll þurft að klifra á tánum.
Löng hliðrun á skemmtilegum gripum. Klassík á Reykjanesinu. Er þokkalega strembin á köflum en með góðum no hands restum á milli. Krúxið er í enda leiðarinnar.
Nýji klifur leiðarvísirinn Reykjanes Boulder er loksins kominn í búðir. Í leiðarvísinum eru tekin fyrir fjögur grjótglímu klifursvæði; Öskjuhlíð, Gálgaklettar, Valbjargargjá og Hörzl við Hauga. Fjöldi leiða á svæðunum er á milli 18-44 og eru þær samtals 108 í bókinni. Ekkert af þessum svæðum hafa áður komið út í leiðarvísi og er þetta góð viðbót við klifurmenninguna á Íslandi.
Vísirinn er í sama stíl og Jósepsdalur Boulder sem var gefinn út í fyrra nema bara flottari. Hægt er að nálgast leiðarvísinn í Klifurhúsinu og Fjallakofanum.
Við Háskóla Íslands á Laugarvatni er kenndur klifuráfangi þar sem farið er í helstu grunnatriði klifurs. Í haust hafa nemendur verið duglegir að klifra og heimsótt helstu klifursvæðin á suðvesturhorninu, Valshamar, Stardal og Hvanngjá á Þingvöllum.
Hápunktur áfangans var svo helgarferð á Hnappavelli 17-19. september. Þar var klifrað frá föstudegi fram á nótt til sunnudags. Allir fundu eitthvað við sitt hæfi og klifraðar leiðir voru til dæmis Grámosinn glóir 5.4, Góð byrjun 5.5, Músastiginn 5.6, Páskaliljur 5.7, Þetta eru fífl Guðjón 5.8, Stefnið 5.9 og Can Can 5.10b.
Eitthvað var reynt við grjótglímu en þar sem fæstir höfðu komið á Hnappavelli áður vantaði tilfinnanlega leiðarvísi fyrir grjótglímu á Hnappavöllum. Þó var ein ný “grjótglímuleið” klifruð þess helgi, F-16.
Aðstaðan á Hnappavöllum er til fyrirmyndar og tóftin kom að góðum notum þegar kólna fór á kvöldin. Veðrið þess helgi var líka alveg til fyrirmyndar, logn og glampandi sól.
Dænómót var haldið í gær í Klifurhúsinu. Mótið var með sama sniði og verið hefur undandfarin ár. Keppt var í yngri og svo eldri flokki og stóð keppnin langt fram á kvöld. Andri Már Ómarsson og Elmar Orri Gunnarsson jöfnuðu Íslandsmetið sem Andri setti í fyrra og stukku 240 cm. Katrín Hrund Eyþórsdóttir sigraði í kvennaflokki.
Í dænómóti þurfa keppendur að stökkva á nett yfirhangandi vegg upp og til hliðar í 45°. Vegalengdin milli gripanna sem er stokkið úr og það sem er svo gripið í er mæld og stendur Íslandsmetið nú í 240 cm. Vegna lögunar veggsins í Klifurhúsinu þurftu Elmar og Andri að stökkva 247 cm. til að komast áfram en það er tveimur cm. meira en er venjulega bætt við hæðina. Heimsmetið í eðlustökki er 277,5 cm. sem Peter Würth setti árið 2008.
Nokkrar myndir voru teknar í mótinu og er hægt að skoða þær hér.
Klifurveggurinn stendur í Íþróttahúsi bæjarins á milli tveggja límtrés bita sem er undirstaða hússins. Veggurinn er nánast lóðréttur neðst en verður meira yfirhangandi eftir því sem ofar er farið í hann. Veggurinn er 4,7 metrar á breidd og 8,25 metrar á hæð og er þar hægt að stunda bæði ofanvaðs- og sportklifur. Tvær klirfurlínur eru í veggnum sem hægt er að nota.
Ofarlega á veggnum var komið fyrir kassa sem myndar skemmtilegt þak til að klifra á og einnig aðstöðu fyrir björgunarsveitamenn til að gera æfingar.
Nýr klifurveggur hefur verið settur upp í íþróttahúsinu í Þórshöfn. Veggurinn fékk eitt bil í íþróttahúsinu á milli tveggja límtrésbita sem mynda boga þaksins í íþróttahúsinu. Veggurinn er 4,7 metrar á breidd og 8,25 metrar á hæð og er möguleiki á því að lengja hann. Neðst niðri er veggurinn nánast lóðréttur en verður meira yfirhangandi eftir því sem ofar dregur. Ofarlega á veggnum er stór kassi með góðu þaki en þar getur björgunarsveitin æft björgunaraðgerðir eins og sprungubjörgun. Boltar og akkeri eru í veggnum þannig að bæði er hægt að æfa þar ofanvaðs- og sportklifur. 200 klifurgrip voru fengin frá Nicros í Bandaríkjunum til að setja á vegginn.
Friðfinnur Gísli Skúlason kom hugmyndinni af stað og fékk hjálp smiða til að setja vegginn upp en veggurinn var kostaður af Ungmennafélagi Langnesinga, Björgunsveitinni Hafliði og Langanesbyggð.
Hnappavellir er það klifursvæði þar sem margir af bestu klifrurum þjóðarinnar eru aldir upp. Þar er að finna yfir 100 sportklifurleiðir, slatta af dótaklifurleiðum og fleiri hundruð grjótglímuþrautir. Meðal þessa leiða er Ópus 5.13d en hún var erfiðasta leið á Norðurlöndunum þegar hún var fyrst klifruð.
Á tjaldsvæðinu eru bekkir, grill og kamar. Vatnið úr læknum við Miðskjól er ekki hentugt til drykkju en við Lækjarhorn er vatnsuppspretta sem er með hreinasta vatn á jörðinni. Um kílómetra ganga þangað. Athugið að ekki á að keyra lengra inn á svæðið en að tjaldsvæðinu.
Helgina 9. og 10. október fórum við Kristó, Örvar, Jafet og Ásrún til Patreksfjarðar að halda smá klifurnámskeið. Björgunarsveitin Blakkur þar í bæ er búin að byggja mjög fínan klifurvegg, um fimm metra háan. Við byrjuðum á því að skrúfa allar festur sem voru þá á veggnum niður og skrúfa upp um 15 nýjar þrautir og gráða þær alveg eins og í Klifurhúsinu. Svo komu ungmenni úr björgunarsveitunum á Ísafirði og Patreksfirði og reyndu við þrautirnar. Við fórum einnig yfir grunnatriði í línuklifri. Við vorum mjög ánægð með hvernig námskeiðið gekk og mikill áhugi var fyrir þessu öllu saman. Krakkarnir stóðu sig vel þrátt fyrir að þau hafi flest öll þurft að klifra á tánum.
